Trakai 水中城堡 - Day 9

日期：7月27日
行程：Trakai 水中城堡
住宿：Mabre Residence Hotel
交通：巴士

終於等到今日既更天朗氣清喇！終於可以去夢寐以求既水中城堡！我地起第係到hea時間，諗住係酒店食埋個早餐先再出發，點知原來酒店既自助早餐10點就完，我明明記得係11點，原來假日就去到11點！噤我地唯有出去搵食啦！今次我地聰明了，選擇左illy，大品牌連鎖有保證，至少唔會再食到琴晚既野食！

今次我地食American pancake 同omlette，總算係一個正常既早餐！食完早餐我地就出發去巴士站搭巴士去Trakai！沿路行去湖邊，感恩天氣好好呀！好彩唔係陰天咋，琴日仲落雨搞到我地好擔心tim...

我地係湖邊影左好多相，又坐艇泛舟湖上，好寫意呀！！！突然好感概，其實擁有幾多物質都唔及呢一刻既享受！

最後入左去城堡行左一個圈，選擇左係湖邊既餐廳，飲啤酒食snack！差唔多時間就坐車返去維爾紐斯lu..

我地決定今晚搵間好野食，於是係tripadvisor 到搵top排名既Senoji Trobele，地點都算偏遠，我地都行左好耐先搵到，入到去全部都係當地人，得我地係遊客！但一於好少理，太肚餓了，order左一條魚，一碟意粉，洋蔥圈同黑啤！

食完好滿足，行出餐廳個天已經黑晒，但係我地截唔到的士返酒店，又唔識行，好彩電話仲有少量電，唯有靠google map la！行左半個鍾，中間google map帶我地行捷徑，條路無人又無燈，好恐怖，我行得好快，想快d返大街，特然前面燈柱下有個阿婆一個人企係到食煙，望下個樣真係勁恐怖，我無再望行快兩步，連V小姐係後面問我有無見到個阿婆我都無答，V小姐突然問我「其實你有無見到個阿婆架？」原來我唔應佢搞到佢好驚！終於返到酒店，要開始執野，聽日就要去返芬蘭再返香港，旅程開始踏入完結。