日期：2016年6月27日
行程：Kuramathi -->Male -->Hong Kong
今日要離開呢個天堂啦，離開時既天氣真好! 昨晚 6 點左右，小黑已經到過Villa 放低封信比我地，提點我地今日check out 既安排！昨晚8點前要到Reception 付款先，但我地太有信心以為無使過錢，銀包都無拎就走去settle bill，結果當然係無錢比啦，唔記得左我地飲過酒🙈 所以唯有今朝食完早餐再去啦！
享受埋最後的早餐，我地就返房執行李，見到天空一片晴藍，隔壁房又有新既房客，有人係個一片印度洋中暢泳，真係有d唔捨得離開呢個地方！12點左右只需將行李放係房門口，小黑就會過黎將行李車去Main Reception, 我地離開時當然要打賞一直協助我地執房既小黑啦，小黑好開心！
我地去Auqa & Sport Centre 交還浮潛用品後，再去Main Reception 到Check out! Check out 時被告知仲可以到Main Resturant 食Lunch! 因為Package 包埋Lunch 比我地，哈哈！本身Package 寫左唔包離開當天既lunch 架，可能因為水飛時間係下午4點，resort 既貼心安排大大加分！搞好晒所有野先係12點半左右，食埋個slow mode Lunch 到兩點，距離水飛時間都仲有兩小時！
 |
| Water Villa with Jacuzzi |
 |
| Water Villa with Pool |
 |
| Beach Villa |
我地決定去完成環島遊行一圈，黎噤耐都未試過環島走完一圈，細細欣賞每間獨立別墅及沙灘屋既間隔及位置，最後都係覺得water villa 係最好既！ 外國人一般較喜歡沙灘屋，因為一出去就係沙灘，可以即刻晒太陽同游水，亞洲人一般都係鐘意water villa 既，夠正夠浪漫丫！行去water villa with Jacuzzi，係water villa with pool 未起前，Water villa with Jacuzzi 係水上屋中最受歡迎既，木造既water villa 帶一點原始味道，但我呢個城市人，都係鐘意𥰁新既建築，water villa with pool 正合我意！
無聊無野做就影下Reception 附近環境，等待水飛到來既時間！
4點係Main Reception 集合，聚集了今天要離開Kuramathi 既遊客，逐個點名輪住上船離開了⋯
整個體驗除左第一、二天下雨及取消左日落巡航外，其實都幾滿意。回到馬列機場都只係5點半左右，當時已有小黑兜搭我地跟唔跟佢地去馬列市，但因時間太少，我都老公都決定留係機場等上機。其間有PAIR內地夫婦問我地一唔一齊去馬列市，我拒絕左之後佢地都唔去，之後我地傾下計時得知佢地原來係山東人，去過馬代幾次了，好奇問下佢地點解唔去下其他地方旅遊，原來都係因為簽證問題，哈哈！
短暫既蜜月假期完結了。。
日期：2016年6月24日
今早起身又見到個猛烈既太陽喇！晨噤早9點鐘已經見到有外國人係VILLA附近浮潛，仲要游到好出，之後神奇既事就發生左，佢地竟然可以係海中心企係到！無睇錯，係企。係。到！可以企係到即係話潮退可以游遠D！心情即刻好興奮呀！
浮潛前食返個早餐先🤗 食左六日差唔多相同既早餐都已經習慣左噤豐富，仲愈食愈多Tim....😅😅 （又要肥幾磅⋯）
好開心呀！真係可以游到水中心！嘻，幫老公影左張好正既相，好似整片印度洋都係屬於我地噤！
今次老公終於無失手影到海底下既魚仔同珊瑚，但比想像中唔算太靚，但都好得意呀！！
浮潛後好累好肚餓，上返Villa 沖涼後要去食lunch 啦！因為昨天仔細查看左我地既全包宴係包埋lunch 去Island Coffee Shop同 The Palm 既，所以今日我地決定要去The Palm 食Lunch，唔再食不好吃的Buffet la!
又再點多次牛肉片，老公琴晚話好好食，所以今次特別叫左兩份牛肉片，再加左最愛既Caser Salad 作為前菜，真係好豐富呀😍 Lunch 無海鮮食，所以叫Pasta 同 Lasagna，老公既Seafood Pasta 比我既Lasagna 更好吃，食完一份仲要追加多份tim (有無噤好食呀⋯）
食完Lunch 見今日天氣噤好，更係要把握機會影下靚相啦！琴日係Villa 附近行逛到盡頭，竟然比我發現有影靚相絕佳位置，偷偷記低左，嘻，今日帶老公去影！老公即時充當攝影師係噤影 （個環境實在太靚，點影都覺得好正！真的不關拍攝技巧事⋯）
影完一輪我都好滿意，正當老公話返去Villa 到小休一下時，我話噤耐都未去過Laguna Bar 到飲酒，反正我地個package 係包埋，無理由唔去架ma，所以我地就去左Laguna Bar 到飲酒談天，真寫意！
好似坐左一陣又到日落時份，早幾日個天好大舊雲都睇唔到日落，今次難得好天氣，一定要欣賞下馬代既日落！正當好多人去sand bank 睇日落個時，我地去返影相既絕佳位置到睇（呢個位置對正拖尾沙灘，加上d人去晒拖尾沙灘，無人可以打擾我地睇日落既心境，哈哈）
日落後就準備去Siam Garden 食最後晚餐！呢幾晚食過噤多間好食既餐廳，最愛既都係Siam Garden 既泰國菜，真係好好食，去到staff 都記得我地係第二次黎呢，佢話好少人會黎兩次！ 食返同上餐一模一樣既菜式 （我地都太專一，鐘意食既就唔會轉，唔會試新野）
食到好滿足後要返去抖下啦真係！抬頭看到滿天星斗，終於見到馬代星空，真係好感動，黎噤多日都噤厚雲，係今晚先見到！急急腳返Villa 到拎腳架set 機，小妹我無咩攝影技巧，亦無學過，但為影星空專登上網爬文，都叫做影到相見得下人掛！ 可惜前境太光，但都仍可影到滿天星星已令我好滿足！
2016年6月23日
行程： 拖尾沙灘浮潛
今早一起身，見到個大太陽，打開門準備呼吸一口新鮮空氣既時候，發現木板上有一PAT 屎，忍唔住影低左，真係好大PAT。我地無理到，轉頭就梳洗準備出去食早餐，反正一陣ROOM SERVICE 會清理左佢。
食完早餐我地換好泳衣，拎埋浮潛用品就出發啦！最最最緊要係要搽足防晒呀！因為個太陽真係好猛，可以係短時間晒傷個皮膚架，我晒左一陣已經有D痕痕地既感覺。
游完水個肚就緊係開始肚餓啦！返返去餐廳到食LUNCH BUFFET，但老公覺得唔多好食。我就提議噤不如去ISLAND COFFEE SHOP到食LUNCH啦！
食完先覺得我地早幾日真係蠢左，應該一早就轉去COFFEE SHOP到LUNCH，噤就唔使每日都話個BUFFET唔好食！食飽左係附近行左一圈，散下步欣賞下呢個小島，每次見到沙灘屋，我同老公都會一致噤話住係到實死梗！周圍都係樹，一定會有好多小昆蟲，有昆蟲我一定住得唔安樂架！！
行完一輪，我地就決定去LAGUNA BAR到拎贈送既酒返去VILLA慢慢品嘗！凡係黎honey moon 既couple, 酒店都會贈送一張酒卷兌換卷，當然我地更係要換返去慢慢嘆啦！換左最愛既香檳酒⋯
返到去吹住海風，望住個一望無際既印度洋，慢慢品嚐香檳，覺得好寫意！呢D先係人生黎架MA！
飲住酒，睇日落，冥想一下，時間又係不知不覺中流逝，又到晚飯時間啦！每晚都好期待晚餐，因為晚餐係最豐富及最好食既一餐 ＾＾
今次我地選擇左食傳統西餐，The Palm距離我地Villa 好近，坐buggy bus 3分鐘可到！
