行程：BLUE LAGOON ＆首都市中心
住宿：NORTHERN LIGHT INN
終於來到冰島最後一天了，今天我地一早BOOK左9點的藍湖，希望可以早早享受藍湖溫泉。
因為預約了7點半的車，6點半多我已起身梳洗執行李，並享用早餐及咖啡！約7點25分到櫃台CHECK OUT後便於酒店門口等待，出現的又係一輛小巴先載我地去BUS TERMINAL再轉大巴，約一小時的車程便到達藍湖了！
到達藍湖後，我地先去利李寄放處放低行李，只取梳洗用品就進去排隊了！
1. 溫泉的泉水不夠熱已是一個極大的問題，伴隨著風吹來真的很冷
2. 人太多了，好像泳池的感覺
3. 溫泉中央有個小酒吧，可購買零食及飲品，但在溫泉中可吃喝不禁令我聯想到部份食物的殘渣會落入溫泉中
4. 還有最最最最重要的是 － 因泉水含有硫黃礦物質，浸後頭髮是異常乾旱，雖然一早已知，藍湖亦有EMAIL提示應先塗上護髮素再進入藍湖，但真的，太乾旱了！！！
即使這樣，我地都由9點多泡到12點才梳洗去食LUNCH。午餐我地去左藍湖內設既LAVA RESTUARANT，主要都係方便緣故。
我地叫了一客羊架SET LUNCH及一份薯條加PREMIUM 附送的兩杯香檳，已經很豐富了！味道十分好，特別泡完溫泉後，食慾係特別好的！
LUNCH過後我地去到紀念品店購買了BLUE LAGOON的潤唇膏作為手信後便離開了。回到行李寄放處，請職員幫我地打電話比NORTHERN LIGHT INN派車來接我地去酒店！
NORTHERN LIGHT INN係係藍湖附近的一間酒店，但因沒有交通公具可直接到達，一般會係自駕或到達藍湖後CALL車接送的。
好快已有車接我地了，CHECK IN後職員有詢問我地明天班機資料及約定我地幾點早餐及幾點送我地去機場！這個服務真係太重要了！！！！
由於時間尚早，我地決定回首都市中心逛一回，我們搭下午4點半晚士坐一小時回到市中心，而當天尾班車為晚上8點，去到市中心已5點半，即是說我們只有2個半小時可於市中心走一回。
8點離開市中心回到NORTHERN LIGHT INN，幸好酒店有餐廳，還可以吃上一個豐富的晚餐，味道一般吧。
