係冰洞逗留左一小時，又係時候離開呢個AMAZING既冰川，去下一個地方了 － 辛格韋德利國家公園（Thingvellir National Park）
「辛格韋德利國家公園正正處於地球地殼北美版塊（North American Plates）與歐亞版塊（Eurasian Plates）的接合位置，是地質學上美洲與歐洲的真正邊界。兩大版塊從那裡開始以每年 2.5 厘米的速度分離，那看似微小的速度經過一億三千萬年的時間卻造成了今天的大西洋。
公元 930 年，世界上最早的國會會議在今天辛格韋德利國家公園所在的地方召開，Þingvellir 正是有「議會場地」的意思。這個冰島露天議會（Althing）每年舉行一次，維時約兩星期，由島民直接參與。1271 年冰島被挪威吞併，因而不再有國會會議，但露天議會仍扮演著法院的角色並一直延續到公元 1798 年。這段歷史淵源才是令辛格韋德利國家公園成為世界遺產的原因。」
想想身處兩個板塊中間，感覺真奇妙，從沒想過可以站在板塊中間。哈哈！呢個國家公園真係好靚，司機見我地有意慾想行耐少少，建議係山下等我地，話比我地聽點樣沿路落山。我地亦都選擇行落山，感受下大自然既創造力！
今天一日遊就要完結了，離開時問左司機今晚會唔會有極光，司機話今晚極光指數較高，好大機會睇到。不過今晚唔係佢車我地去，因為佢一日只可以揸9個鐘車，哈哈！又坐車返雷克雅末克。
返到酒店，放底野我地立即去食晚餐，琴晚去ICELANDIC BARINN時，見到有間餐廳好似好靚，應該都會好好食，所以決定今晚去 SOLON BISTRO BAR。
因為LUNCH飲過羊肉湯覺得好好飲，所以今次我地叫左每人一碗羊肉湯，一份羊架同帶子串。
一上菜，羊肉湯份量超大，我地以為係普通湯碗左右，但佢個碗係拉面碗噤大，仲要入面好足料，有超過10片厚身羊肉，淨飲呢碗羊肉湯都已經飽左七成啦！再黎份羊架，唔似香港個D得個兩三片，兩大舊，每舊五片羊架，真係份量十足，我同V小姐邊到食得晒丫，但又唔想晒，最後打包份羊架走做明天既早餐！
食完豐富既晚餐後，我地又趕返酒店等8點半出發去睇極光！！8點半好準時有車黎接我地，原先我地BOOK既係四人極光團，但唔知係咪因為昨晚取消左，變左六人極光團。
司機首先車左我地去一個無人、無光害既路邊，抬頭望，未見極光，但已經滿天星星。急不及待既我SET好腳架後，突然諗住試下用早前朋友送既THETA S 360相機試下影星空，點知一影就發現天上出現一絲絲綠光，原來極光已經悄悄出現左。
不過極光較弱，係相機底下先顯現到鮮綠色，肉眼睇未有噤大感覺。突現司機建議我地去另一個地方或姐可以更清整睇到極光！果然，極光又再次來襲，影左好多張相之後，我放低相機，用心用眼去記下眼前極光，呢個時候，司機好貼心地為我地遞上一杯熱朱古力同餅乾，等我地可以靜靜地欣賞。
當極光又消失時，司機問我地想唔想再去第三個地方睇極光定返去，大家都覺得當然要去多一個點睇啦！點知淨係去呢個點已經坐左一個鐘頭車，感覺到好似上緊山，唔知去緊邊，經歷左一日遊既我抵不住睡魔急CALL，訓著左。醒返已經去左一個不知名既山上喇。好可惜，落車時發現山大極大霧，基本上有極光都唔會睇到，而且好凍，所以等左一陣就離開啦。
返到酒店已經係凌晨12點，我同V小姐已經累到唔想郁⋯⋯
日期：2016年10月17日
行程：DEILDARTUNGHVER、VALLEY OF KALDIDALUR、LANGJOKULL GLARCIER ＆ THINGVELLIR NATIONAL PARK
住宿：REYKJAVIK RESIDENCE HOTEL
因為時差既關係，凌晨3點我已經醒左，但都迫自己訓到5點半差不多六點。六點起左身先洗個頭，換好衫就準備早餐。呢間酒店雖然唔包早餐，但就有免費提供咖啡、粟米片同牛奶，剛好都可以成為一個簡便既早餐。
我同V小姐食完早餐，8點半左右就落大廳，黎接我地既司機已經到左啦！今日REKKJAVIK既天氣唔係太好，落緊微微雨，但司機話幸好今天西部天氣好好，所以唔會影響行程。
個司機係ICELAND人，同我地講下冰島既歷史、人口。佢覺得香港低稅好吸引，但佢亦深深明白佢地既高稅率係因為佢地享有很多很多福利。其實做北歐人真係好幸福，有廣大既土地、生活質素高、生活係大自然既地方，但生活卻一點都不原始，仲好先進。我最鐘意就係北歐好多地方均設有免費WI-FI，絕對幫到大部份既遊客！
經過約45分鐘車程，我地到達地熱區Deildartunguhver, 為歐洲最高速既溫泉流，流速每秒180升，水溫約97度，所以用作水力發電。司機特別提我地唔好用手試水溫，因為地熱泉水噴出黎可以高達100度。
其實可以睇同影既並唔係好多，所以睇左15分鐘左右我地就離開，司機帶左我地去睇一個規模不大，但好靚既瀑布－ Barnafoss。
"關於兒童瀑布(Barnafoss) 的由來，這裡流行著一個民間傳說。兩個男孩住在附近的一個農場Hraunsás。 一個聖誕節，男孩的父母與他們的耕作者去教堂，把男孩們留在家裡，但他們覺得無聊，決定跟隨父母，私下離家並走捷徑，越過了天然石橋瀑布上方，結果他們從瀑布上的石橋掉進河裡淹死了。他們的母親悲痛欲絕，對瀑布施下咒語，『從石橋渡河的人必死』。後來石橋在地震中被催毀。"
－－網上資料－－
呢個小瀑布好有深秋初冬既感覺，灰灰沉沉，但又好有詩意。
好滿意地離去後，上到車司機話要先去食lunch，因為一陣去冰洞個頭附近係無野食既！我地乖乖地入去一個不知名既餐廳，食BUFFET，而所謂既BUFFET係SALAD、PIZZA同湯。未食之前都覺得唔會好食，但神奇既係PIZZA同羊肉湯都好好飲，V小姐仲飲多一碗tim。
終於都要出發去「INTO THE GLACIER」！藍冰洞係今次冰島旅遊其中一個主要想去既地方。司機入冰川前先去左一個類似RECEPTION既地方幫我地登記及建議我地著佢地提供既衣服，因為冰洞入面接近零度。但係以我地既經驗，零度其實都唔係太凍，所以我地都無租佢地提供既衣服。
入冰川既路真係唔易，我見司機又要落車放氣先再揸車入去，終於都進入冰川啦！（好興奮呀！！）
「位於冰島西部既格朗冰川，係歐洲第2大既冰川，面積有140個足球場大，這項巨大既工程是由冒險家BALDVIN EINARSSON和 HALLGRIMUR ARNGRIMSSON一起發想，由當地一群工程師，專業建築工人及地球地質物理學家和冰河專家合作，在歐洲第2大的格朗冰川內部，建造一條近800公尺長，深度達300公尺，目前可說是全世界最大的人造冰川隧道。」
日期：2016年10月16日
行程：香港－＞HELSINKI－＞雷克雅未克
住宿：REYKJAVIK RESIDENCE HOTEL
交通：FINNAIR ＆ ICELANDAIR
2016年尾二的旅程與V小姐計劃前往冰島，開初想想2016年去了馬爾代夫，若年尾能前往冰島看到極光，整年的願望將全部達成，幾經商量及夾日子後，決定於10月中前往冰島追極光。去冰島前因為公司有很多變數及事情要跟進，真忙到一個點，連自己酒店及行程差點忘記BOOK，幸好所有事情有驚無險，最後順利交低工作出發前往追極光之旅！（心情10萬個興奮！！）
由於時間趕急當天下班後回家直接取行李前往機場，這次我地都係沖著搭FINNAIR BUSINESS CLASS，所以一到機場就CHECK下UPGRADE個價錢，同我地預期中亦都一樣 HKD4840！（小貼士：如果想搭BUSINESS 又唔想比BUSINESS價錢既話，可以先買左ECON位再於當天要求UPGRADE，個價錢真係相差一半以上的！當然啦！唔係次次都有位比你UPGRADE，但博下都好！）
順利UPGRADE上機後，食完個豐富既晚餐，就準備訓覺啦！9個小時既機程話噤快就完左，去到HELSINKI只係朝早既5點半！10月既HELSINKI有7度，我專登著多左衫，但因為大風，都係覺得好凍。而且10月日出時間比夏令遲，所以到達時覺得天空好黑。我地要係Helsinki 等9個小時左右，下午3:45pm 再坐Icelandair 轉飛冰島，9小時既等待太長了，情願出city centre 閒晃一下！
寄存行李後，就搭FINNAIR BUS出CITY CENTRE，半個小時已到達中央火車站，去到火車站，我地先諗到無地方可去，去大教堂影相天又未光、去食早餐D餐廳亦都未開門！我地唯有先搵路嘗試走去岩否教堂，等天亮時可影幾張相啦！
 |
| 中央火車站 |
去到岩石教堂時天已亮了，但開放時間為下午2:00PM，入唔到去，係門口影左張相後，我地決定要去KAMPPI，逗留室內暖D地方到9:00AM再去搵野食啦！
原先去到KAMPPI 等到9:00AM只有一間PICNIC開左，可以入去飲杯咖啡暖暖身子，普通咖啡與香港STARBUCKS價錢差不多，兩杯盛惠EUR7.2！
暖暖身子後，我地決定去返大教堂及紅色教堂個邊，可惜大教
堂正在維修，噤我地就去返紅色教堂到影相。再一次黎到烏佩西斯大教堂仍然感覺到很宏偉，忍不住都要影多幾張相。
影相後時間亦都差不多12:00，我地決定回機場，入Finnair Lounge 食Lunch，反正比左錢upgrade
，總要享受下吧！回到機場過了安檢後，入左Lounge，竟然無咩食物選擇！！！！只有簡單沙拉、飲品及小食（餅、果仁），實在有點兒那個！但都沒辦法啦！唯有食小小snack，待上機先啦（上左機仲後悔⋯）
