到達雷克雅未克 － DAY1 (下)

Icelandair 係冰島廉航，唔上到機我都唔知係廉航，因為由芬蘭飛冰島短短3小時已經要HKD $5xxx !香港飛芬蘭只需HKD$6xxx ，相較下呢程機太貴啦，食野需要另外付費的! 原本有d 肚餓既V小姐準備付款買野食，但睇到menu後完全食唔落，最後我地決定到達雷克雅未克後大吃一餐！

由於冰島比芬蘭時間快3小時，到達機場時也只是剛好下午4時左右（好似賺左d時間噤）！取回行李後，先於機場購買電話咭，1GB 只需ISK $2000，約HKD$136左右！之後前往Flybus 櫃台，購買前往雷克雅未克車票！Flybus 分兩種，一種係普通Flybus ，由機場直接開出至BSI Bus terminal; 另一種為Flybus+ ，由機場開出直接到指定酒店！為免辛苦搵路，比多少少搭Flybus+是常識吧！

Flybus 大巴由機場開出至BSI bus terminal 大幾1 小時左右，於bus terminal 再轉小巴前往酒店！到達Rekyevik Residence Hotel 時，我地已經又累又餓！酒店職員快手幫我地check in 後就幫我地將行李送入房間！

眼見已經6點鐘，今晚又報左極光團，我地唯有快手快腳執好野，詢問櫃台附近有無好吃既Icelandic food，櫃台職員介紹我地去Icelandic Barinn，說是價錢公道、食物好吃！我倆急不及待就去啦，要趕係8點前回到酒店！

ICELANDIC BARINN

VIKING BEER

WHALE FIN

LAMB

今次我地問左餐廳職員有咩推介，佢推介左我地食羊架同鯨魚肉，兩款都好好食，但太大份我地根本食唔晒。最後STAFF仲問我地好唔好食，可能佢見我地食唔晒⋯⋯

8點半，我地準備好晒行裝，拖住疲倦既身驅係酒店大廳等待！點知等左15分鐘都未有人黎pick up我地，我即刻聯想到可能今晚取消左極光團！V小姐開初都唔相信取消左，但check e mail 後確認今晚天氣不佳取消左極光團！

我倆都好慶幸今晚取消左極光團，因為我地都真係好疲倦好累！雖然坐左Business class 飛去芬蘭，但始終周車勞動，又要轉機黎冰島，實在太累了！沖完涼我地都訓左啦⋯