行程：拖尾沙灘＆浮潛
黎到KURAMATHI第三日，而家習慣左早餐時間由8點半開始至10點，我地都無再噤早起第食早餐。一訓訓到8點半，我先起身梳洗，老公繼續訓覺到我叫醒佢，佢先施施然起身。等待老公期間，望住呢片海洋，真係覺得好幸福呀！
9點半我地先去到餐廳，餐廳入面已經得返好少人，因為大部份都食完啦！我地去坐係靠海個邊張台，食返同琴日一樣既早餐。基本上，每日既早餐都係大同小異，食既都係牛角包、琴日係牛肉煙肉，今日就會轉䐁肉煙肉，所以都差唔多。
食完早餐，我地見拖尾沙灘無咩人，就決定去影相啦！遠睇呢個沙灘，你唔覺得D咩，但走入去，再影相出黎就會覺得好正，因為真係靚到好似寫真噤。
為左呢個沙灘，我同事之前係泰國尊登買條白色長裙送比我，話等我可以係呢邊影靚相噤話喎！個景太靚，太易影，所以我地影左大約45MINS左右我地就走啦，因為要去食LUNCH！
去返同一間餐廳食BUFFET，真係食到有D驚，因為BUFFET唔太好食！
食飽左緊係要搵野活動一下！我地想再落水，決定返VILLA換衫先，點知老公好快噤落海試一試水溫，佢話好凍，唔落水，所以最後我地決定係泳池到游水就算！
玩完一輪，就開始好累啦！要訓一訓晏覺先，今日我地兩個都決定唔食TEA，事關每次食完TEA，食夜晚個餐時就好飽，食唔得多，偏偏晚餐係全日最豐富、最好食個餐，所以唯有放棄個TEA啦！
成個下晝除左游水，就係係房到睇下書、聽下歌、訓下覺，好寫意，時間不經不覺噤就流失左啦，好快又到夜晚，又係時候出動食好野啦！
今晚我地去既餐廳係THE REEF，係TRAVEL CHANNEL個AGENT去前都特別提我要BOOK呢間食，一到達就要BOOK架啦！第一日已經想試，但都FULL BOOKING到要今日先試到！
THE REEF係主打食海鮮同埋牛扒，我地當然都要試下！
 |
 |
 |
 |
 |
| fish of the day |
 |
| Tiger Prawn |
 |
| fish the of day 2 |
好滿足的一晚，食飽又係時候返去休息啦！
