獨遊勇闖維也納 Vienna Day 1

2009年5月24日

笫一次獨遊，心情難免有d 緊張，畢竟自己一個女仔，未試過一個人去旅行ma...... 今次選擇左去Vienna，因為Vienna貴為音樂之都，想必城市內會散發住中世紀既藝術氣氛。

由Jonkoping坐Swebus到Nykoping途中既三個鐘車程，我真係訓唔著，因為怕自己訓左miss左個站，結果一路聽歌恰下恰下就到左Nykoping，去到機場亦都未夠鍾上車，所以係機場搵左個靚位，擺低個backpack就繼續我既功課  (當時既我仲係一個學生，仲要上堂同交report ga!! 但一於少理，將功課帶埋走都要去!! )  

等左兩三個鍾，終於搭上去Bratislava既機啦! Bratislava係斯洛伐克既首都，因為鄰近國家係奧地利、匈牙利同捷克，所以Bratislava機場幾乎係一個中轉站，而且搭Ryanair 廉價航空，好少會降落係國際大機場，所以今次進出Vienna都係係Bratislava機場!! 

兩個鐘既機程就到達左Bratislava la，首先要行出去搵去Vienna既巴士，唔識路既我緊係跟住人群而行，去到一個巴士站，其實我都唔肯定邊架車係去Vienna架，又無英文，好彩識得一個Wien ( = Vienna) 字，就跟住人群上車啦，上車個時遇著一個好司機，竟然唔收我luggage錢就比我上車了!

去到Vienna已經係下午4點幾了，首要既任務係搵左hostel先!

去到hostel，放低晒d 野，就準備搵路去睇Opera la! 去得Vienna，無理由唔睇一次架ma!! Vienna既鐵路其實都四通八達，基本上唔難明，不過一次既交通費其實都唔平架(約HKD $20)，作為貧苦學生既我，鋌而走險無買到票就直接入去!!
由於閘口位置只係靠當地人既自律為主，所有買票之後係要自己去藍盒子位置打印日期既，因為我無票就直接入去，期望唔好遇到查票人員啦 ^^"

順利過關後到達Opera，排隊買票既人非常之多!!! 結果只係買到企位!!

望住歌劇表演，有一班樂團演奏音樂，我既視線離唔開個指揮家，小提琴同大提琴，每一次既高低抑揚，都好牽動人心。台上唱緊歌既表演者，著住中世紀既裙在起舞，實在太吸引了。 

呢個表演實際上係三個鍾既，但我睇左兩個鍾，八點半就走左，因為笫一次一個人旅行，實在唔敢太夜自己一人返hostel，而且唔知道當時係咪已經天黑，結果出到去發現，八點半，天只係微暗，我去左supermarket買左野食後就返hostel休息，繼續明天既旅程。

挪威挪萊峽灣Naeroyfjord Day 4

2009年4月18日

挪威有三大峽谷，今次去挪威都係為左呢個峽谷咋!!!今次我地去既係挪萊峽灣Naeroyfjord! 行程如下:

我地既行程呢係由Bergen 搭railway到Myrdal，再由Myrdal搭Flam Train 到Flam (科林)，係Flam到上船，再搭巴士到中間一個train station(因山泥傾瀉轉左train station)，再直接返Oslo。

由Flam Train 個時已經可以窺見Fjord既風景，亦預想到fjord cruise一定會好靚。

隔住玻璃影既景

Flam Railway

搭左1個鍾既flam railway，終於到達Flam(科林)啦，科林係其中一個峽灣分流既小鎮，環境非常之清靜怡人!!

呢到就係科林啦!! 個環境真係好靚，天空好藍，一舊雲都無架!! 個時我部相機壞左，d 相係熊先生影既，個環境真係靚到用auto mode都搞得掂呀! 

呢個就係我地將要搭既cruise啦!!

個時望住呢個fjord真係令我好震撼，原來噤靚既風景係存在既!! 個一刻我先發現原來人生就係應該要學識欣賞同追逐眼前美好既事物! 因為呢短短既crusie已經係我腦海留低左深刻既印象!! 

落船一刻真係有d覺得時間過得太快啦!! 同時間亦收到一個壞消息，我地本身應該係落船既地方(Gudvangen) 搭車去Voss既train station再返Oslo架，但因為山泥傾瀉條路封左，我地由落船一刻就係到等待消息，睇下fjord tour有無安排，好快就有消息啦，安排左架旅遊巴車左我地去唔知邊一個既train station趕搭原本返Oslo既Train，我仲好記得架旅遊巴開得好快好快，同埋行d好崎嶇既山路，一路睇錶都唔信可以趕到，但竟然可以係5-10分鍾前趕到，我地都真心覺得個司機好勁同埋個tour安排得好好!!

經過一日既行程我地夜晚又返到Oslo啦，極之肚餓既情況下買左Burger King上Swebus到食，食完我就訓覺準備返Jonkoping啦! 

如果大家想搵fjord tour既資料，可以去以下網址到睇下:
www.fjordtours.com

挪威卑爾根Bergen Day 3

2009年4月17日

今朝我已經收拾左壞相機既心情，免得破壞旅行既興致。朝早8點已經到左Bergen呢個小鎮，由於時間尚早，我地係火車站又坐左一陣，之後就準備去搵hostel放低d個backpack!

Bergen 火車站

出到去個天已經開始好光，我地先去左tourist information center問下fjord tour既資料同購買套票，因為要去睇挪萊峽谷係一定要買套票架!!之後就出去行下呢個寧靜又美麗既小鎮!!

因為天色明朗，顯得呢個小鎮更加靚，沿路行，我地最想試既係挪威三文魚係咪真係噤好食架呢?! 所以去到魚市場，預備豪食一餐!!

我地又龍蝦、又蟹、蝦、三文魚、生蠔，真係好豐富，而且真係好好食，唯一我唔太滿意既係生蠔，可能我唔鍾意食檸檬，所以無滴過檸檬汁落去就食，結果係好"腥"，自始，我無再食過生蠔喇!!

食完噤美味既海鮮餐，我地想買杯咖啡飲，點知入到 7-11，竟然今日全日既coffee都係免費既!!!實在太好彩啦!! 之後我地又行下影下相，準備夜d上山睇日落!!

其實我地行左好多個地方，至於係邊到真係唔記得喇，只係行程入面傾左好多計，真係咩都拎晒出黎講，唔係既話真係唔知做咩好!! @@

係山上邊我地無聊係到打千秋，無啦啦有個約55嵗既伯伯走過黎話想幫我地影相，開初我地以為佢係真心幫我地影，點知佢係用佢手機影比佢自己睇!! 影完仲要比返$100 我地，因為佢話我地好nice喎!! 我地當然無要到，不過覺得呢個經歷好funny囉!!

眨眼間日已落，我地返去hostel到準備沖涼休息!!無錯係沖涼，等左兩日先有得沖，真係辛苦死我!! 仲有一樣野，當時因為我怕鬼，唔敢分開自己訓girl's dorm，所以揀左mixed dorm訓，我依稀記得對面床有個外國男人唔著衫訓覺，到佢起身時，我都唔知佢有無著褲!!因為當時我無wear 眼鏡，睇野真係好懞...

挪威奧斯陸Olso Day 2

2009年4月16日

朝早六點我地就到左Oslo啦，先去左中央火車站擺低個backpack，因為太早既關係，條街都無咩人，亦無咩店有開，我地先去左是但一間coffee shop到hea時間同埋食個早餐! 因為要等到9至10點，Oslo d景點先開始可以入場，所以係到玩black magic，但實際玩既內容係咩，我就真係唔太記得了。

coffee shop入面其實都無咩客，哈哈，玩到差唔多，我地就出發啦，條街仍然係無咩人。

Karl Johans Gate大街

我地去左幾個具有標誌性既景點到影下相，但無入去參觀:

國會大樓

國家劇院

奧斯陸大學

呢d相都係好早個時影既，之後又入左去一間電影博物館到睇下!

再去左阿克斯胡斯城堡及要塞同維京博物館!!

呢個城堡入面有好多炮台，又影左一輪相，之後就出發去維京船博物館! 維京博物館係熊先生想去既，因為佢話想了解下維京人既歷史喎，其實我就無咩興趣，不過去下又無妨。

熊先生好興奮噤係入面影相，我咪又影下囉...之後我地開始肚餓啦，就去左M記買野食，當時仲係學生，去親旅行都係節衣縮食架啦，之後去左是但一間超市，買下D野飲同野食，悲慘既事就發生左啦!!

當時我地買左支1LT既可樂，噤我又唔想熊先生拎得噤辛苦，就將500ml既可樂倒入我個Columbia水樽到，就一路行行行。中間仲有d咩行程我就唔記得啦，我只係記得時間差唔多，我地去到中央火車站，我打開個袋發現d可樂倒瀉晒出黎，但因為個袋係防水既，所以我唔打開個袋真係無感覺架!!! 而最重要既係，我部相機因為入左可樂而報銷左，個心不知幾想喊，因為仲有好多旅行要去架ma，無左相機點算喎，仲要個時點會有噤多錢買過部新丫....

呢個唔開心既心情個晚伴隨住我，直到上火車，即使見到美麗夜景，亦都笑唔出，所以之後無咩影相，熊先生見我噤唔開心，就話最多到時借佢既單反比我影喎......

去Bergen既火車係夜晚11點，上到火車就訓左覺啦!!
(話時話，一日無得沖涼既感覺真係幾辛苦，不過去旅行係噤架啦...)

挪威奧斯Olso Day 1

2009年4月15日

要去挪威Bergen 呢個小鎮一定要先到奧斯陸轉火車，所以順利成章係我地既行程入面亦都有奧斯陸! 去Oslo 既交通，我地選搭Swebus，Swebus係瑞典公司營運既過境及內陸巴士黎既，基本上去北歐其餘國家、去最近機場Nykoping都係要搭Swebus既! 

由Jonkoping搭Swebus去Oslo，中途要轉兩次車，其中一次係要等成3個鐘先有下一班車，就係噤坐車都坐左一日@_@ 由於已相隔五年，有d記憶已經唔係太記得喇，我只係記得，係笫二次轉車中間，由於去到笫二個地方時係夜晚約10點，下班車係凌晨 1 點先上得，換言之，夜媽媽要等三個鍾，又已經入夜無地方可打發時間，加上北歐4月雖然暖返少少，但夜晚仍然好凍，我同熊先生係附近搵到一條tunnel，無錯係tunnel入面，我地坐低好似d 路宿者感，打開手提電腦睇一早已download左既電影! 

噤岩個時熊先生download既電影係鬼片，實際係邊套我唔記得亦都唔想記呀!! 即係噤，我由細到大都好鍾意睇鬼片，但睇完又要好驚喎，加上係無人既tunnel到睇，都咪話唔驚!! 間唔中，又有d人行過，其實個時我地兩個都有諗，如果有人行過黎打劫點算好，不過最後都相安無事，平安渡過左呢3個鍾，上到swebus可以訓覺啦，醒返就已經到達Oslo 了。

2009 挪威世外桃園之旅(序)

2009年既時候去左瑞典交流，亦開始左旅遊既生活。當時係去左瑞典University of Jonkoping到交流，換言之，之後半年所有旅遊既出發點都係係Jonkoping。當年仲係學生既身份，去親旅遊都係搭廉價航空 Ryanair、搭過境巴士，住既都係青年旅舍，甚至去當地人既屋企到住(Couchsurfer)，當個背包客!! 邊似得去俄羅斯個時住酒店、坐business class、坐豪華既包箱火車，哈哈! 呢d都不失係一種體驗!!

當年去左9個國家，而印象最深刻既就係挪威卑爾根既旅程，笫一次感受到原來大自然既美真可以噤震撼，原來係網上睇到既風景相係可以係眼前出現，仲要係無PS過!! 當地人十分和善，小鎮既寧靜實在令人心曠神怡!

當時既我其實無咩SENSE去旅行，係朋友熊先生邀請下而去的，當然行程都交晒比佢啦，因為我係係荷蘭返Sweden一個星期左右就出發去Norway! 

呢張並唔係網上既圖，係真真實實用相機auto mode，無加任何效果影出黎架!!!

俄羅斯旅遊總結

呢次既旅程令我重拾旅遊時既興奮、好奇，更加令我明白到work life balance既重要性，過去四年，因為太長時間無去自己想去既地方旅行，總係覺得心靈空虛，搵唔到自己既興趣，生活乏味，雖然中間有去過中美洲哥斯達黎加、有去過台灣、去過盤龍峽睇薰衣草，但係似終同我係2009年既歐洲旅行差別甚大! 更加因為今次既旅行，終於令我明白到，旅行係一生中既養分，滋養我既心靈，增加我既眼界!! 

2015年我既目標係去波羅的海，行程同資料搜集已經係10月完成晒!!

黎緊會寫返我既回憶之旅，話說我係瑞典交流個半年間都去左歐洲9個國家旅行，包括挪威卑爾根、德國柏林、法國巴黎、意大利米蘭、羅馬同芃蒂岡、英國倫敦、荷蘭阿姆斯特丹、奧地利維也納、丹麥哥本哈根、瑞典斯德哥爾摩同哥德堡!

因為唔係跟團既關係每一個地方其實都有特別既經歷，首先會推出既係挪威自然美景之旅、荷蘭驚心動魄的旅程及獨遊勇闖維也納!!

俄羅斯貝加爾湖Baikal Lake Day 8

2014年7月28日

今日係最後一日既旅程啦，今晚會搭凌晨機經北京返香港!! 

朝早食完早餐就我地就去左湖邊，坐琴日想坐既快船!!

係湖邊有好多呢d快船架，V小姐好鍾意呢種刺激感，所以我地就上左快船啦!! 我唔記得一個人要幾錢，但包船RUB$2000就可以了，所以我地就包船出去湖中心啦，但因為快船關係，我唔敢拎相機出黎，所以僚影到湖中既美景了... 話敢快，15分鐘就完左返岸邊，我地都仲係意猶未盡!!

之後沿路向前行，行上一個山頭，又係從另一個角度去欣賞貝加爾湖!!

影左好多相，差唔多時間我地就返去紀念品市場，因為V小姐想買手信比朋友，所以就行左一陣，又買左D娃娃!! 之後我地就返上房沖涼，準備退房啦!! 6點鍾退左房後，我地慢慢食埋Dinner，行多陣，差唔多8點，就搭的士直接去機場準備返香港了!! 8 日既行程終於完結了......

俄羅斯貝加爾湖 Day 7

2014年7月27日

今朝我地好早就起左身，因為酒店有附送既早餐，食左個full 既早餐後，我地返上房hea左陣，執埋行李就落去退房啦!! 退房時順便叫酒店幫我地call 的士直去Listvyanka!! 點解連去Listvyanka都要搭的士，因為V小姐個喼真係好大好重，如果去搭巴士，真係會拎死的.... 亦都係因為搭的士，我地竟然可以去到一個安加拉河既景點，呢個景點係我Search噤多資料都無見過既!!

我地一上到的士，個的士司機係噤了我地講野，但因為我唔識聽俄文，所以無咩應佢，但V小姐識少少俄文，所以個司機就係噤了佢講野，佢車左我地去一個景點，個時我地兩個心諗，咩料，中伏tim，仲要唔知佢講咩，我地姑且落車跟佢去睇下!!

入去係一個森林黎，要比入場費的，個司機幫我地比左@_@ 我地諗左好耐，佢之後一定會收返我地錢...... 個司機好似導遊噤同我地介紹呢個景點，但我都唔係太明，不過我就好鍾意個環境，個森林好舒服，穿越過森林就會見到安加拉河!! 我同V小姐"嘩"左一聲，真係好靚!!天空映照係河面上，天河一色，真係好靚! 我地影左一陣相，就比司機嗺我地要走啦，如果唔係我地真係可以係呢個地方影好耐!!

之後司機又車我地去左另一個地方係可以睇貝加爾湖既，而且仲要坐吊車上山既!!

上到呢個山頭就可以遙遠噤睇到貝加爾湖了，其真個地方真係好靚!! 係呢個山頭玩左一輪，司機仲買左個當地人好鐘意食既朱古力雪糕比我地食，之後我地想再食返都搵唔到!! 去完呢個景點，呢位導遊司機終於肯車返我地去Listvyanka! 

去到Listvyanka 既Dream of Baikal 門口，個司機終於開價RUB$5000，不過我同V小姐雖然明知佢係屈我地，但我地都一致認為，如何唔係個司機車我地去左呢兩個景點，其實我地都未必睇到安加拉河既美景，所以就無同司機爭論照比!!

Dream of Baikal呢間酒店係我係網上搵貝加爾湖既住宿時發現既，佢算係Listvyanka入面最靚既酒店!!

放低左行李上房後，我地都開始肚餓啦，就直接係酒店附設既餐廳到食d 小食先!!竟然menu到中文，我地只係食左d小食同飲左杯啤酒!! 

其實望出去，好似同一個沙灘無咩分別，但係湖水係冰凍既，亦都好清徹!! 我地係湖邊影相，亦去左附近既紀念品市集，發現佢地賣好多瑪瑙既飾品，當地人話具加爾湖係專出呢d stone喎! 我地係其中一間中上價既店入面睇中左一條頸鏈，但要成HKD@$26XX，真係太貴喇，所以無買到! 

行左輪又好快到夜晚啦，我地返左酒店既餐廳到食野，試左佢地好似好好食既煙燻魚、仲有幾碟小菜，享受完就返上房準備休息啦... 不得不提，呢間酒店既熱水真係唔係太熱，唔知係咪因為入夜關係，D水都係凍既!! 

Listvyanka既夜晚係好凍架，溫差真係好大，我地午夜12點仲出左出面睇星!!