走入天堂般的KURAMATHI DAY2(下）

終於上左水飛啦，好興奮！我地簡左前兩行黎坐，老公留意到機司係著拖鞋架！堅型！係20分鐘既機程，我地由上空俯瞰印度洋，終於明白點解有人話馬爾代夫係上帝遺留係印度洋上既珍珠。

一路飛仲見到其他RESORT TIM！見到噤靚，我都好期待！水飛並唔係空接停係KURAMATHI既，係停係一塊浮板到，要再搭船去既。

水飛會係一塊浮板到停低比我地落機

入口處碼頭

MAIN RECEPTION

再坐10分鐘左右已經到達KURAMATHI 碼頭啦！沿路直行就係MAIN RECEPTION，入到MAIN RECEPTION，STAFF會先安排好我地坐既位置，因為會分一GROUP GROUP噤樣，然後會有STAFF同我地做CHECK－IN及介紹RESORT既設施。今次幫我地介紹既STAFF叫ANNA，係KOREAN黎既，佢除左好仔細噤介紹RESORT既設施之外，仲講解返我地既PACKAGE、用WI-FI既注意事項，仲同我地BOOK埋第二日既日落船河及三日晚餐既餐廳TIM！

KURAMATHI 地圖，每個住客都有一份

今次我地BOOK既係SUNSET WATER VILLA WITH POOL，係個MAP左邊最尾個一排水屋，呢一排水屋係新起既，係我2月BOOK個時都仲未起好架，但因個時已經有FLOOR PLAN睇，而且價錢對比其他水屋又唔係貴，所以即時BOOK左，仲要係BOOK日落房！

ANNA幫我地BOOK好晒餐廳，就CALL另一個STAFF開BUGGY BUS車我地去VILLA。KURAMATHI個島都幾大架，圍島行一圈最少都要30-45MIN，所以島上每個點都會有BUGGY STOP，有車搭既，唔使我地行得噤辛苦麻！

選擇一個大島仲有一個原因就係唔想噤易撞到內地人，始終個島太細好易撞到架，係KURAMATHI我只係撞到一兩PAIR內地夫婦，可能仲有好多都未定！

入到房真係好靚呀！除左間房靚，最重要係望出去個景！

個MINI BAR提供左足夠既水同SOFT DRINK，都係免費

供應既，仲會每日補給。

間VILLA仲要係坐落係拖尾沙灘附近

坐係到望住個海好舒服

入到房都只係11:30，之前講過早餐份量偏少，老公已經好肚餓，但LUNCH時間係12:30PM，唯有係房到HEA一陣，再行去LAGUNA BAR到坐低，等到12:30PM先有得食LUNCH。

KURAMATHI有三間主要既餐廳，提供三餐比住客，通常都會根據住宿既位置去安排餐廳，我地個間係FARIVALHU，餐廳係提供中西式自助餐，主餐廳係唔需要BOOK，直接WALK IN入去就可以了。

食物上黎講其實就普通啦，口味始終唔同。不過老公話唔好食，我覺得還可以接愛，我會食D大路野，即意粉，通常都入到口既，仲有就係著條！

食完我地就想落水，但因為天陰陰，返去VILLA，試下個泳池水溫好凍，就打消左落水既念頭，之後睡魔急CALL，訓返個晏覺先！

訓左陣起身已經3:30PM，老公話要去食TEA，我地就去左ISLAND COFFEE SHOP到HIGH個TEA先！

ISLAND COFFEE SHOP 既入口

我點左個三文魚漢堡及咖啡！係其他餐廳既食物係好食好多架！好彩個時選擇左SELECTIVE ALL INCLUSIVE既PACKAGE，如果只為ALL INCLUSIVE (即只包三餐係主餐廳享用)既話，我一定會覺得無啖好食。

食完TEA之後，我地就去左AQUA ＆ SPORT CENTER都租借浮潛用品，因為今次我地自己帶左呼吸管及眼罩，所以只係借左救生衣及蛙鞋就夠。而租之前STAFF會確保我地要睇左浮潛簡介既VIDEO先，呢個VIDEO係有中文版既，會講解返有邊幾條浮潛通道、初級者係邊區浮潛最好，要注意唔好踩到珊瑚呀等等。

順帶一提，RESORT係免費租借浮潛用品既，只要記得CHECK OUT前還就可以！不過因為我地怕衛生問題先自己帶呼吸管。

借完返去VILLA放低D野，又要準備去食DINNER ！我地每晚BOOK既時間都係七點鐘。今次BOOK既餐廳ISLAND BARBECUE，係ANNA介紹，係食串燒、燒肉等等。

STAFF介紹既ROSE

羊肉串

豬肉串

享受完個晚餐就返VILLA休息啦！返到去望住天空敷MASK，個感覺都幾正！

走入天堂般的KURAMATHI DAY2(上）

日期：2016年6月20日
行程：馬列－＞KURAMATHI島
交通：水上飛機
住宿：KURAMATHI RESORT

今朝7點鐘我已經起左身梳洗同執行李，準備食早餐。琴晚我記得小黑講過7:30會有MORNING CALL，但我今朝睇晒成間房，一部電話都無﹐老公話佢一定係上黎拍門，結果佢地真係好準時7:30已經黎拍門。8點鐘先係食早餐既時間，但佢地7:45已經係房門外等，等住幫我地拎行李落樓，認真勤奮。

落到酒店餐廳，由於酒店簡陋，都無預期過早餐有幾豐富。但簡簡單單過得去啦，不過份量對老公黎講太少了。

係餐廳先發現，原來有一大班大媽、一對韓國夫婦及台灣夫婦都係住係LAGUNA，可能琴晚我地係最後入住個批。呢班大媽真係好勁，佢地自己帶晒保暖水壺，將酒店幫住客準備既熱水全部倒晒，遲左入黎既人想飲杯茶都無。個時心中一沉，唔通佢同我地一樣都係去KURAMATHI？！

食完早餐，因為要等車，所以我地係附近行左一陣，證實左該區真係荒蕪，只有幾間細酒店，可能都係接待留一晚既旅客。突然間，竟然落大雨，我地跑返酒店，心諗第一日就落雨，有D灰！

酒店車我地到機場，原來水飛CHECK IN COUNTER就係隔離，我地先去搵KURAMATHI既COUNTER，小黑先幫我地行李掛上行李牌，再帶我地去CHECK IN，我問小黑呢到天氣會唔會轉頭就好天，佢話都唔定，但今日就似乎唔多好。

CHECK IN後有車車我地去候機室，但因為去到個刻已經要準備上水飛，所以我地都無享用過候機室。

上到水飛後，機司會先同我地講解大約坐20分鐘左右就會到啦，終於向KURAMATHI出發！

初到馬累 DAY1

日期：2016年6月19日
行程：香港－－＞馬列
住宿：LAGUNA BOUTIQUE
交通：國泰航空＆酒店專車接送

香港去馬爾代夫主要直航有香港航空及國泰航空，而要轉機或玩多一個點既話，多數人都會搭新加玻航空，由新加玻轉飛至馬列。由於今次我地諗住只係去馬爾代夫，所以緊係選擇直飛啦，直飛既話只需要6小時15分就可到達，作為環宇一家既MEMBER，我唔會放過儲MILES既機會，自然首選國泰。

但往往飛馬列既航班時間不太理想，多數下午機晚上到達馬列機場，加上水上飛機晚上唔飛，所以被迫要停留在馬列市一晚，到第2天才可搭船或水飛前往其他島嶼，對於假期較少既我真係不方便，但都無辦法，唯有請多幾天假期吧。

我地班機係17:30出發，係機場食個TEA之後就準備上機啦，上機時發現好多內地人都係搭同一班機飛，自從國內人去馬爾代夫免簽證後，真係多左好多大媽，所以選島時記得要考慮呢個因素。

準備出發

由於只係搭6小時左右，係機上睇左《追婚日記》同《紀念日》兩套電影後，時間都差唔多就飛到馬列。馬爾代夫係比香港快3個鐘，到達時係20:45。

過關時發現佢地既關卡真係好簡單，一出關卡已經係行李輸送帶。

等左好耐先到我地

拎完行李就出去ARRIVAL大堂，好快就搵到LAGUNA BOUTIQUE 既職員，原來今日有一PAIR內地夫婦同我地都係入住LAGUNA既。

職員車我地去到酒店CHECK－IN後，會同我地約埋聽日早餐及水飛時間，就幫我地拎行李上房啦，因為酒店無電梯﹐所以上到房老公都比左USD$2 小費比佢！我即刻問埋酒店有無提供FREE WI-FI，好彩有問咋，因為第2朝我聽到其他住客講，原來佢地以為酒店無WI-FI架！

上到房發現房間好簡陋，張床既被及浴巾感覺唔乾淨，廁所先係最大問題，廁所簡單到得一個洗面盤及企缸，風筒都無。我訂前有上網CHECK過呢間聲稱係4星級酒店，上官網睇過都OK，無諗過個環境同我預期有噤大落差，真係令今次旅程有少少美中不足。不過都只係住一晚，唔緊要啦，沖完涼上陣網就訓啦。

溫馨提示一下：由於酒店距離市中心較遠，搭車沿路都見唔到附近有任個便利店、小食店等等，加上去到酒店已經9點幾10點左右，所以最好帶定少少糧食過去啦，以免夜晚餓親。好彩今次我帶左少少野食去﹐所以都無特別再問小黑附近有無野食。

日本黑川溫泉HEA假之旅 DAY3

日期：2016年1月27日
行程：黑川溫泉 －＞福岡－＞香港
交通：九州橫斷巴士及香港航空


今日係回程既日子，時間過得真快，噤又三日啦，真心唔捨得噤早走！但可以偷三日時間出黎抖下氣，返到香港就有力量再工作啦！

今早7點半起身準備梳洗食早飯啦！黎到日本係係覺得自己既作息係會好D，唔單止早睡早起，三餐定時，加上空氣環境又好，真係個人都靈舍精神！如果係香港放假時要早起，真心唔訓到10點都起唔到身！

V小姐經過一晚既休息終於都無事啦，佢因為食得太飽琴晚呵左幾次後又再次生龍活虎，奉勸大家一句，食野真係唔好食太飽呀！

又要享用我呢個美味既早餐作結啦！每次早飯或晚飯都一定會有魚食，日本既魚確實整得好好味，加上不少既配菜，真係會令人愈食愈多，胃口大增。

食完早餐，我地回房休息一下，再執行李要準備退房了。但V小姐因昨晚無浸到溫泉，點都要彌補返，所以拿拿臨出去泡。呢間旅館提供既個人護理產品一D都唔HEA架，今次係提供SHESIDO既產品比客人用。

出去退房付款時，旅館表示只收現金，但因為我地長期去日本都只帶小量現金，大部份均用信用咭，所以根本沒有現金呀！！同旅館溝通完一輪後，當然最後係比信用咭加小量現金啦，估計用信用咭付款旅館要被收CHARGE的，所以先噤堅持收現金。

其後，酒店人員車我地去巴士站，正式踏上歸途啦！身上並無現金既我地，一心以為搭巴士都係可以比咭，結果當然都係唔得啦！幸好日本人都係非常熱心，我地表示可以到機場後到櫃台用咭比返錢或係ATM取錢再付款，司機打左幾通電話後就表示我地可以上車啦！

一心以為可以順利返香港，點知中途又塞車，眼見就黎到上機時間，開始好緊張！巴士停係機場站時，巴士公司已經安排左個同事等待協助我地，佢知到我地時間好緊逼，即時帶左我地去CHECK IN先，並同地勤表示我地既情況，請佢地稍等一下。巴士公司職員隨後帶左我地去比錢，再送返我地去櫃台CHECK IN，上機後正式離開香港啦！

日本黑川溫泉hea 假之旅 DAY2

日期：2016年1月26日
行程：漫遊黑川溫泉
住宿：療之里樹屋
交通：旅館專車接送

隔左差唔多半年無UPDATE過個BLOG，主要都係因為今年有太多野要準備，包括人生大事、返工工作、多左侄仔要照顧啦，忙左就少左時間去打理個BLOG。四月個時準備UPDATE埋個黑川溫泉之旅，但因熊本發生地震，令我唔想打呢篇BLOG，曾經一個噤漂亮既地方係一𣊬間變成癈墟，實在令人心痛。而家終於有返心情同時間回顧返當日既旅程 （開場白太多。。)


琴晚同旅館STAFF約好左今日早餐時間後，我地都準時7點半就起身梳洗，要去享受豐富既早餐。（其實溫泉旅館除左溫泉吸引外，懷石料理都係其中一個好吸引我既原因，每日都會好期待早餐及晚餐架！！！！）

日本米真係好好食架，連我呢個噤唔鐘意食飯既人都可以食到兩碗飯！佢地整既三文魚真係好好味，豆腐好滑，我同V小姐好好享受一下呢個早餐，食到好滿足！

食完早餐時間尚早，畢竟今次黎日本係為左HEA同休息，所以我地做咩都好慢斯條里噤。返到房間更係要再享用一下知私人溫泉啦，順便要認真洗下頭。琴晚因為太凍喇﹐加上房間內無浴室，要係戶外沖涼本身已經好難受，更何況係洗頭喎！所以只好忍一晚，今朝洗啦！

提提大家，佢呢個溫泉水真係好熱架！唔好諗住可以直接泡浸。旅館一早已準備左膠喉接駁水製，提示我地要開凍水去降溫先！開左凍水之後，我就準備洗面，沖身，拎埋手機開住歌同埋敷住面膜去浸啦！呢D先係享受架MA！係零度既氣溫低下，個身浸係暖笠笠既溫泉水中，真係爽到你唔想走！

浸完溫泉後，當然要出去行下呢個溫泉區啦！我地先同旅館工作人員溝通過後決定落去溫泉區中心漫遊，好好放鬆及感受一下黑川溫泉既魅力。

溫泉區中心有好多不同既溫泉旅館，不少日本人會駕車前黎浸溫泉，但由於我地本身住既溫泉旅館已經好舒服，所以我地落川中心主要都係行下、影下相為主。我地首先去到川中心既「旅館組合風之舍」，佢好似遊客中心噤，可以係入面購買入湯手卷、亦可得到和類型既旅館資訊。我地先取得黑川溫泉既地圖，再詢問下櫃台人員漫遊路線建議。

很可愛的地圖

我地決定圍繞中心圈逛，好好欣賞雪景，白茫茫的雪，著實令人著迷。

漂亮吧！行逛一輪後已差不多六點半了，要回旅館享受晚餐啦。我地先打比旅館，讓旅館派車黎接我地返去，我地回去「旅館組合風之館」外等待時，見到兩個香港男人同樣係到等待，我地即刻扮唔係香港人唔出聲，直到車黎到先知原來我地都係住同一間旅館。

返到去緊係立即前去餐廳享受最愛既懷石料理，今晚既食物好豐富，好好味，亦叫左梅酒。

本來我地好開心噤係到享用晚餐，突然聽到隔離講緊廣東話，即時想起可能係岩岩一齊返旅館個兩個男人，我地即刻將說話聲音收細，但隔離就愈講愈大聲，本來都無咩，但佢地突然爆出一句「我地係精壯既男人，打飛機十劑都無問題！」，我地真係忍唔住笑左出黎，其實佢地係咪真係以為無人識聽廣東話呢？可能聽到我地突然既笑聲，佢地即刻無晒聲音。

食完晚餐，我地好滿足噤返房休息，V小姐竟然胃痛，以為佢今日涷親病左，原來最後發現係佢食得飽得濟頂住左，笑死我，佢唔舒服我就自己準備好晒去浸溫泉啦，浸完仲獨酌成枝梅酒先訓覺，認真舒服到呢！