今日係星期日，因為預計週邊景點唔會噤早開，所以訓晏d先出門，再慢慢整理行裝出去買早餐食。
係Metro入面，當我由電梯落去platform時，感覺有人望住我，根住有個擁有亞洲面孔既女仔過黎同我打招呼，佢叫Sherry，原來佢係一個台灣既exchange student，係Finland exchange，都係同我一樣一個人黎旅遊既，而且最估唔到既係，佢竟然同我住係同一間hostel，不過唔同房既，最後傾左一陣，我地就約左明日一齊去美泉宮啦。
同Sherry分別左之後，我就出發去左Hofburg霍夫堡皇宮，不過因為對Vienna既歷史興趣不大，所以係出面影下相就離開左。
表演既小妹妹真係好可愛，忍唔住影左好多相，一直睇到表演完左為止。之後開始覺得有d肚餓，係街頭搵到一間類似快餐店既餐廳，叫左個魚柳包，同M記魚柳包差別唔太......
食完野就去左「音樂之家」，「音樂之家」無大型既建築及獨特既標誌，所以要搵呢間野個時都要留意下條街有無指示。音樂之家入面有好多間房，每間房都有主題，好似有講奠扎特生平、作曲既事蹟等等，其他主題房可以比你作歌、錄製自己既CD，仲有扮Conductor指揮樂團，當你完成左target就可以獲得證書，確實幾值得一去!!
呢個Austria 最出名既蛋糕配合d cream係當地人既至愛，我係街到行過d cafe都見到好多當地人食呢個朱古力蛋糕，不過對於我黎講就覺得唔太特別了，因為同香港既特濃朱古力蛋糕分別不大，而且仲配cream食，食一件d 卡路里就超晒標。
行下食下，又買下手信就返左hostel，同我同房既有兩個日本女仔同一個韓國女仔，兩個日本女仔同我傾左好多野，包括佢地呢幾日既行程啦，睇完opera之後既感覺啦，等等....而個韓國女仔聽到我地話去睇完opera都覺得不枉此行，佢就決定留多一日係Vienna，睇埋Opera先離開。個韓國女仔係教書既，佢早一個月前決定辭職去旅行，實行「讀萬卷書不如行萬里路」噤話.......
打到呢到，而家係工作中營營役役既我，經常都有辭職去闖世界既念頭，但現實生活中又點只噤簡單，原來要做呢個決定既時候都要幾大勇氣，特別當工作中亦既順利，仍有預知既晉升空間，搵唔到即時辭職既理由個時，係好難做呢個決定架!! 唯有每年去一次長途旅行，慰藉下想出走既心靈啦!!
