日本溫泉之旅 - Day 2

日期: 2015年11月23日

行程: 白系之淹-->雲場池-->繪本博物館

住宿: 小瀨溫泉

今早7點半起身，已經有豐富既早餐等緊我地啦! 

見到都令舍開胃，特別係條三文魚，真係整得好好味! 而且日本米真係好好食，唔鍾意食飯既我不知不覺竟可食到兩碗飯! 食完滿足既早餐，我地又去浸一下溫泉，浸溫泉期間敷埋mask真係一大享受! 浸完溫泉返到房換衫再出發都只係早上10點鍾既事，真係早睡早起精神好!

琴晚係酒店問好d路，今日就出發先去白系之淹，係一個瀑布黎既，去個條路應該係好靚既，如果仲有紅葉既話，好可惜黎到紅葉已經無晒，又無落雪，返而變得有點荒蕪。

雖然感覺有點荒蕪，但係去郊外行下，呼吸下新鮮自由既空氣都係一件唔錯既事! 

再出發去雲場池個時已經好糾結，因為諗住無晒紅葉就唔去既，但比我地係IG見到有人POST 雲場池好似仲有少少紅葉，所以決定點都去睇下...但結果有D失望，真係無晒啦!

不過突然比我見到有一顆，真係得一顆紅葉!

行完雲場池，我地就搭車去繪本博物館，無啦啦竟然會對博物館有興趣?!呢個博物館應該係展出D繪畫家既作品，入邊有好多出名既童話故事書及繪畫家將故事中既畫面畫出黎! 

要離開時要趕搭5:56分尾班巴士出返市區再轉捨另一班巴士返酒店，點知我地等到6點都未有巴士，同我地一齊排隊既日本人大家都開始懷疑係咪無車，但明明個車時刻表係有寫既! 正當我地搵人協助時，巴士終於到啦! 6點半我地就返到酒店了。從未試過噤早會返酒店!

返到去又有一餐豐富既晚餐等緊我地啦! 兩晚既晚餐食物都唔同架! 煮法亦唔一樣，所以都既期待每日既早餐同晚餐，晚餐我地仲叫左梅酒飲tim!

食完晚餐當然又係時候去浸下溫泉啦，舒舒服服又一天了! 返到房就飲用今日買既梅酒作終結，又係時候訓覺了，入睡時間為10:30pm..

出發日本溫泉之旅 - Day 1

日期:2015年11月22日
行程: 香港-->東京-->輕井澤
住宿: 小瀨溫泉酒店

對上個次旅行完返到香港後，一直都係十分忙碌，每日都有想離開香港既感覺，真係心力交瘁，決定11月去日本黎個relax既小旅行。上年去日本都係為左shopping，無咩好記，因為3日都係去晒買野買野同買野，今次決定要浸下溫泉，去郊外吸收一下靈氣。

因為我今次又係用asiamiles claim 機票，可以選擇既時間同機位都好少，原本訂個班機係要由香港去台北再轉飛東京，總共要5個機鍾先到達成田機場，加上今次只限可訂business class，所需要既miles比原先多20000 miles，所以決定早d 到機原享用lounge 既早餐，費是蝕比佢。早上8點到達機場check in時，cathay 既地勤話比我地聽9點05分有一班直飛既機，到達時間係下午兩點，問我地轉唔轉早一班，真係好好彩，即刻應承左要轉機，早一d到我地就可以早一d享受下ma。

3個鍾既機程真係好快過，食完個飛機餐，睇埋套<<星際啟示錄>>，就差唔多到東京成田機場啦! 呢套電影我笫二次睇都係覺得好好睇，呢類型既電影係我至愛!

下午2:15pm到達成田機場，我地就去JR站買3 DAYS PASS，由機場去東京再轉去輕井澤，個PASS其實都幾抵玩，只需要$8660 yen，單一程由機場出東京已經要$2990 yen，由東京去輕井澤要$5000 yen左右，所以呢個pass 買得過，可以包埋兩日後出返東京。

入到輕井澤已經5點了，見到個天竟然黑晒....有無噤早天黑呀! 我地上左的士，的士司機先車我地去附近既便利店，諗住睇下有無電話咭買，點知去左3間都係無既，噤就算啦，我地直接去小瀨溫泉。

呢間溫泉酒店真係係好郊外既地方，天黑晒，路燈都無!! 入去到放低行李，係間房都hea陣，飲下茶先，再落去食左酒店包既晚餐，好好味!

食完晚餐梗係要去浸下溫泉，一日既疲勞終於可以釋放啦!! 之後返上房再hea一陣就訓覺了，浸完溫泉真係訓得好舒服，10:00pm我地就入睡了。

即興澳門新濠天地兩天遊

日期： 2015年11月4 - 5日
行程： 澳門新濠天地
住宿：新濠天地巨星匯

10月因為太忙碌既關係，情緒一度變得極負面，每日放左工只係係屋企呆坐，提不起勁，咩都覺得煩悶，為左調整情緒加上要同男朋友拍下拖（10月只係出左兩次街，算係拍拖噤耐第一次噤少見），即興決定離開香港去澳門玩返兩日。本身個人就唔太鐘意到澳門，但真係好想離開香港，又比我係Afaye 既IG到睇到新濠天地開左，就即時上網睇下有d咩玩，價錢吸唔吸引，都算係一個唔錯既package!





係官網預訂左$1698既套票，除左包住宿一晚外，仲包埋「星匯餐廳」自助早餐、「影匯之星」（摩天輪）門票兩張、4D 蝙蝠俠門票兩張，同男朋友商量確定佢可以放假就落訂了。






當日搭船去到澳門新濠天地已經係夜晚6點半，我地先去check in拎房，上到房即時有種好suprise既感覺，因為間房實在太靚同太大，而且設計好細心，連提供既沐浴用品、個人護理用品都好仔細，實在令人有「叮」一聲既感覺！

係mini bar到會見到有咖啡機，仲好細心噤留底左使用說明書，而且mini bar有5個櫃桶，逐個打開黎睇就會發現真係一間超五星既房間，第一層當然係提議供小食同酒類、





第二層係咖啡杯仲有個茶壺比你沖茶飲，第三層有不同既玻璃杯，方便你飲任何一類酒，第四層有煮水機同冰桶，而小雪櫃除左一般既飲品外，竟然有我最愛既VCP！可惜我係第二日check out 前先發現有VCP, 如果唔係我第一日夜晚應該同男朋友飲左。

再黎係洗手間有浴缸同企缸都好正常，但係浴缸處會擺放一支泡泡浴就真係未見過！當然係企缸位都會擺放應有既沖洗用品。而係洗手盤位置中間有個櫃桶，入面正常都係擺返應有既牙膏牙刷、剃鬍用品、浴帽同梳，不過係我洗面時發現自己唔記得帶橡筋，再試下搵下個櫃桶時發現實係有橡筋呀！仲有提供透明既bar帶、指甲挫等，基本上需要既野都應有盡有！

最重要、佢間房最少提供左8支樽裝水，點都夠飲啦！講噤多就係因為對房間感到好滿意！覺得呢個價錢好值，比起上次去愉景灣酒店，同樣既價錢，但低一級既享受！

仔細觀察完間房我地都要把握時間，因為4D蝙蝠俠去到7:30pm就無架喇！我地先拎左個簡介表睇下點去，同睇下酒店既介紹，再行去睇！

至於好唔好玩就賣個關子唔講啦，唔係就無驚喜啦！可以講既係4D感覺幾好，有離心力，如果時間長d就更好！P.s 女仔最好唔好著裙玩！

玩完男朋友話想食自助餐，我地就直接去星匯餐廳睇下有無位，好彩等左一陣就入得！呢個自助餐不得了，海鮮區有生濠、龍蝦、青口、螺、鮑魚、長腳蟹、蜆、蝦、龍蝦仔等等！種類係我食過噤多間自助餐入面係最多既，而且每次都會fill 滿，確保客人食得到！我每樣都有食，特別值得一提係隻鮑魚真係好好味，係香港我只係係JW萬豪食過有鮑魚既自助餐，但係隻鮑魚好堅韌，但呢隻鮑魚係惗D同埋好好味，我原本諗住拎一隻食，有個女人係我後面同我講好好味叫我拎多幾隻！另外可以再提就係螺同蜆，兩樣都係大大隻，唔係細細粒個d，份量十足！

食完海鮮就食日本野，食冷面、中華沙律、壽司同刺身，味道都係個d, 但勝在選擇多！

再黎食下熟食，辣子雞、牛肋骨、西蘭花、煎蝦等等！熟食就一般啦，不過個牛肋骨整得幾好味，再食埋甜品乳酪雪糕可以為今餐劃上句號了。以為噤就夠surprise?!最surprise係每人折左只需$403一個人咋！呢個價錢食到噤多海鮮都係噤啦！

食完自助餐，行左陣就上返房間睇電視了！新濠天地差唔多都係名店集中地，唔及威尼斯人噤親民，平貴都有，所以係唔會有想購物既衝動架！

好早就休息lu, 食完個自助餐就對朝早既自助早餐好有興趣！可惜第二朝入到去發現早餐食品比較一般，都係中式既炒粉面飯、點心、面包、穀類早餐等等，唔算得上好食！我係噤易食左d 炒面、炒粉、牛角包、薯餅，同飲左杯奶茶就算。

食完見仲有時間，返上房繼續補眠，到12點先落去大堂check out! Check out 後當然要去埋玩附送既摩天輪啦！不過如果$100一張票，我建議真係唔好買，因為新濠天地對出個塊地仲係爛地，唔會有咩境好睇！

坐完摩天輪坐車出返大三巴行多陣就搭船返香港了，如果只係簡簡單單玩下食下野我覺得都唔錯既，房間同晚餐buffet有令人驚喜既感覺，其餘就一般啦！