日本黑川溫泉hea假之旅 Day 1

日期：2016年1月25日

行程：香港 --》福岡 --》黑川溫泉

交通：HKExpress & JR

住宿：療之里樹屋

經過繁忙既12月，係既緊張又刺激既工作環境下，想偷三天出黎小休一下，呼呼吸、透透氣。幾經商量及研究，終於可以謄出三日小假期，我同V小姐決定再要黎多個溫泉小休之旅。由於今次時間太短，目標鎖定為較南部既熊本縣內既黑川溫泉！加上HKExpress有平機票到達，二話不說就決定了。

黑川溫泉係日本排名第五既溫泉區，由於交通唔算方便，所以較少旅團遊客前往，主要人流為自由行遊客及日本本土居民。岩晒我地呢d想去較寧靜既地方！

係1月25日凌晨4:30am, 我忍受住寒冷既天氣起身梳洗，準備出發！原本想搭巴士去機場既，但因為太寒冷既關係，最終前一晚call 定的士係樓下等，直接出發去機場！我本身唔係一個怕凍既人，但因為香港既濕凍係不同於國外既凍，所以我都係著多左好多件衫！去到T2，已經發現有好多人係到排緊隊，我都即刻去排隊。

完成check in後，我地就去左最近既侯機室到食返個早餐先！申請左AE同Citi 噤耐，都係第二次用銀行咭free 既候機室，本身申請AE個時佢係送一年priority pass，但因為我比較懶既關係，最後都無申請到！食完早餐就差唔多夠鐘上機啦！

我已經好耐無試過坐廉航，覺得機位好迫好辛苦！不過好彩今次坐左兩個半鐘，仲可以接受！係飛機起飛前收到巴士公司通知當天因積雪關係取消左由福岡去黑川溫泉巴士，我地即刻係到睇點搭JR前往。由於黑川溫泉真係比較僻靜，搭JR既話預計要花更多時間先可以到達，但目前我地並無選擇。

出左福岡機場後，我地先換好香港買定既電話咭，之後收到溫泉酒店打黎既電話，提我地巴士停駛，最近既JR站會係阿蘇。出左機場後有shuttle bus 前往地下鐵，我地搭去博多站後準備購買JR ticket 時，票務員竟話比我地聽阿蘇站封左，買不到，最終我地都係博一博照買去熊本既車票，去到熊本再睇點去。去到熊本已經係4點半左右，詢問左票務員可以去到阿蘇站，好感動！我地要係熊本去肥厚大津，再轉車去阿蘇站！去到阿蘇站已經接近7點，因太夜關係，決定搭的士去，共要8000yen 車資，真係好貴呀！！

終於去到療之里樹屋溫泉，酒店等左我地好耐，入到大堂先比我地一杯熱茶，再話比我地聽酒店內設施，再帶我地去房間，我地今次訂左間房係有私人露天溫泉的，見到間房已經好興奮！之後去左餐廳食晚餐，好感動！終於有晚餐食！

酒店地圖

簡介酒店溫泉設施

豐富的懷石料理

食完晚餐緊係要享用下酒店既Lounge Bar，因為呢間酒店有bar我地先選擇既，所以更係要用盡佢!!

10點幾我地終於返房，浸返個私人溫泉，沖返個熱水涼就訓覺lu....笫一日好頻撲!!

日本東京購物日 - DAY 3

日期：2015年11月24日

行程：輕井澤--》東京

住宿：Hilton Tokyo

始終黎日本無可能唔買野架ma，所以我地都預留左一日返東京購物！同樣朝早7點半，我地起身食豐富既早餐再去浸溫泉！

今次終於可以用到個私人溫泉啦，就係我地準備個時發現隔離池溫泉有個伯伯係到浸緊，但佢竟然無拉埋到門，雖然我地未除衫，但係都好尷尬，過去拉埋都門又唔係，唔拉又唔係，就係我地都唔知點個時，有個婆婆行過黎話唔好意思，走左去拉埋到門，應該係同伯伯一齊去去浸溫泉既。之後我地終於可以放心去浸下溫泉！溫完就準備執好野搭車返去輕井澤站再搭JR返東京。

搭JR期間又要讚下張3 days pass! 因為個張pass好抵玩，原本我地以為呢張pass 只可以比我地去搭無劃位既車箱，不過因為我地唔想企足一個鍾，決定去劃位車箱到坐，睇下張pass包唔包，到查票人員黎左，原來係可以既！太開心啦，早知我地就係車站先換左劃位票先啦！

返到東京直接去Hilton check in, 之後去代代木個邊搵野食！

食完開始要準備shopping! 返左去新宿東口商場，呢個場係我地黎噤多次覺得最好行既地方，一黎d款又多多，二黎無百貨公司噤貴，所以我地都滿載而歸。買左四件衫一對boot 算係噤啦！ 上兩次買得多d, V小姐對購物係絕對無抗體可言，所以即使佢話唔買野最終都係會買好多，今次都唔例外！

Shopping 完都已經接近9點半，我地返酒店放低戰利品就出發去歌舞線妓町搵居酒屋食晚餐再去行藥妝店後返酒店休息。

四天日本之旅終於都完結了，係時候又要準備忙碌既12月! 過完12月又要準備下一年既旅行大計!!