行程：浮潛
一覺訓到8:30左右起左身，一起身拉開窗簾就見到陽光啦，即刻興奮晒，起第梳洗後就準備去食早餐啦！食完早餐要落水啦！
走去餐廳條路
早餐黎講算係好好味，因為主要都係提供大路野，牛角包、窩夫、煙肉、雞肉腸等等，配合埋杯咖啡我就收貨架啦！係餐廳到有個新加玻人(應該係MANAGER)同我地打招呼，我地同佢傾開，佢話佢岩岩調過黎做一段時間，KURAMATHI都會請華人，因為多國內客，有華人溝通上就會好D。除左小黑、都有D印度、菲律賓、印尼人會過黎打工，咩國藉都有！
食完早餐我地就返VILLA準備落水啦，我地VILLA個邊有一個浮潛通道，但係適合一D有浮潛經驗既人，因為浪較大。但我地好少理，落水試一試先！
游左一陣，因為浪較大，潮漲時水亦較深，我倆都唔敢游太出，但游得唔出就睇唔到海底靚既珊瑚，所以最後我地游多一障決定移師去MAIN RECEPTION 附近既沙灘，個邊浪會少D。
去個時我地只帶左救生衣同蛙鞋，無帶最重要既水泡，唔識游水既我用救生衣時都好驚，所以老公幫我返VILLA拎水泡出黎，一來一回都用左半小時。
玩左一陣盡興而歸，返VILLA沖涼先，之後就去食LUNCH啦！好肚餓呀！
食完LUNCH返去，見到仲有太陽，又想再落水，拿拿聲換件泳衣落去游下先，因為老公岩岩食完飯唔想落水，所以唔比我自己落海游，只好係私家泳池游啦！
游多一陣又開始有D累，沖涼換返衫小睡一回兒！起身時已經3點3，又係食TEA既時間，唔執輸既我地又出去搵野食啦！我地去返琴日食過既ISLAND COFFEE SHOP，今次唔點餐，決定食TEA BUFFET！
TEA BUFFET 係一D SNACK，老公話幾好食！再飲多一杯咖啡，真係成個人醒晒。食完已經5點，準備出發去日落巡航，突然間落起大雨，我地去到ECO CENTER等待消息，最後得出既係因為天氣需要取消既消息，真係好失望。即刻去MAIN RECEPTION睇下有無得BOOK聽日或後日，但聽日同後日都FULL晒啦，大後日我地就會跌入WAITING LIST，要到時WALK IN去睇有無位。真係好失望，因為最後都係睇唔到，如果有安排補JOIN既話真係會好好多LOR。
懷住失望既心情返返VILLA HEA一陣，又去食晚餐既時間啦！今次我地選擇左一間泰國餐廳，D野食真係好好味！好味到我地之後有再BOOK多一次。
我地點左炸蝦餅、泰式雞翼、虎蝦炒蘆荀、黑椒扇具同黑椒蟹，特別係個黑椒蟹，真係啖啖肉，好食到不得之了！
食完左一餐豐富既晚餐，好滿足噤返VILLA休息了。。
沒有留言:
張貼留言