芬蘭赫爾辛基 - Day10

日程：2015年7月28日
行程：維爾紐斯--->赫爾辛基---> Hong Kong
交通：Finnair

今日好早就開始執野要離開維爾紐斯啦，琴晚已經請酒店幫我地call左的士去機場，只需10分鐘就去到機場，機場實在太近了。酒店既service真係好好，我地call左七點半，個服務員七點三已經係房門口等我地，因為佢話要幫我地拎行李落樓!十級推薦呢間酒店! 

去到Vilnius International Airport都仲係好早，機場好細，check-in counter又未開，我地早餐又未食，想等上機先食既。係無野做既情況下去便利店買杯coffee飲下，轉頭就可以check-in啦!

經過約兩小時既航程，大約下午兩點，我地又回到Helsinki啦! 一落機，我地就入返terminal 1 到搵可以寄存行李既地方，擺低行李我地就出返city center 到搵午餐食!再一次返到Helsinki，其實我地都無咩特別地方會去，因為只有6個鍾既時間，我地就要去返機場走啦!我地決定去食返個lunch，之後去行下Marimekko、LV Shop (V小姐要幫朋友買)，再週圍行下就算了。

我地係Tripadvisor搵到間係Helsinki排名笫8既餐廳--Juuri，因為太肚餓既關係，我地一人order左一個set lunch，味道真係唔錯! 令我地對Helsinki既印象好返少少。

食完個lunch，我地先去LV shop到幫V小姐朋友買左個袋先，入邊有好多中國大媽係到選購緊(內地人真係去到邊都要買LV)，而serve緊呢班大媽既sales係一個識講普通話既中國人(唔知係咪留學生呢?)，LV請得中國人做sales，應該都多內地人去買既。我同V小姐唔想同呢堆大媽混在一起，所以好快搵左個鬼妹sales幫我地，買完就走了。

行完LV，我地又去左Marimekko到行左一轉，Marimekko係芬蘭既品牌，主打都係簡約既設計，黎到其它國家，梗係想睇下人地國家既野啦! 

行完又買左少少野，我地又去左食tea! 係異國餐廳享受住一個悠閒既下午。最後一天，就係係悠閒既下午到渡過了! 

9點鍾我地就返機場lu，去到check-in，Finnair 問我地up唔upgrade去business，既然有位，我地就照upgrade la，可以食返個豐富既晚餐再訓覺! 

十天既東北歐旅程終於要完結了!真係唔捨得，期待下年既旅程，今次target係Balkan states 或 南美!