俄羅斯聖彼得堡 Day 5

2014年7月25日

今日起左身就準備執行李啦，因為下晝 4 點就要離開聖彼得堡搭內陸機去Irkutsk，Irkutsk 係位於西伯利亞，俄羅斯東部既貝加爾湖附近，係去貝加爾湖必停既小鎮!

執好行李，係大堂做晒退房手續，食埋個早餐，我地就出發去冬宮啦!!  冬宮又名"隱士博物館"，係俄國皇帝既皇宮，早係彼得大帝女兒伊莉莎白·彼得羅夫娜女皇在位期間已經開始收藏來自歐洲既藝術珍品，所以亦都係皇家博物館!!

冬宮入邊總共有353個展廳，分別收藏左中國文物、西歐文藝復興時期既繪畫、雕塑、古羅馬既文物等等...要睇晒其實一日真係唔夠架。不過因為曾經去過法國羅浮宮，明知自己對繪畫藝術興趣不大，所以都只係揀左一個館黎睇!

之前影左冬宮內部既相，但唔知點解搵唔返(T_T) 唔知係咪唔小心洗左.....

係冬宮行左一陣，因為無冷氣既關係，加上人又多，其實真係好焗，焗到有d唔舒服，最後未睇晒就走左了。見時間亦都差唔多，就準備搭車去機場，去Irkutsk!

我地搭既航機係S7，由聖彼得堡去Irkutsk 需要8小時，但由於時差既關係，去到Irkutsk已經係第2日既早上啦!!