由聖彼得堡去Irkutsk係無直航機，一定要經Moscow轉機既，所以2個鐘機程又返到莫斯科啦!! 去到Irkutsk機場，老實說，真係一個好細好細既機場，同埋因為係內陸轉機，連passport都唔使睇，拎左行李就可以出機場了!!
今次我地搭的士去酒店，因為上網check過資料唔會好貴，而且Irkutsk比我地既感覺係荒蕪左少少，所以就直接選搭的士。
今次住既酒店係Courtyard Irkutsk City Center! 由於去到個時係朝早，所以試下check in睇下會唔會早d有房比我地休息下啦，點知真係有 @_@ 上到房既感覺係普通酒店一間，無Domina個種感覺(Domina實在係我住過既酒店入面最舒服既!!) 但價錢同Courtyard差唔多...
上到房沖個涼又訓左陣覺啦，之後係酒店大堂拎左地圖就出去行下，Irkutsk真係一個小鎮，個到既人大部份都唔識英文，出左酒店就只可以靠自己同埋地圖，噤我地就沿住一個方向試下去唔去到市中心啦!! 中間經過一間荒廢左既小教堂。
其實呢個教堂係咩名堂我都唔知架，不過入去個時有乞食似既人想問我地拎錢，我地扮聽唔明就無理佢了，好彩佢又無追過黎，噤我地就係間教堂前影下相。之後又再沿同一條路行向海邊位置。
其實一路行向海邊，我地都唔知自己係咩位置，開左GPS都唔確定，就係呢個時候，有一對夫婦見我地好似好無助感，上前幫我地，但因為言語上溝通唔到，我地用盡晒身體語言話佢知我地想知自己係地圖入面係咩位置，經過佢地既指點，終於知道自己唔係行緊去市中心，係離市中心更遠!!
雖然係噤，但係離開市中心，更感覺悠閒，我地決定照樣行落去，見到靚既教堂就影下相，唔經唔覺就7點啦，Irkutsk既溫差都幾大，下晝仲好熱，而家已經覺得涼涼地，我地就係附郊搵間餐廳食野..但menu 無英文，入面既人又唔識講英文，我地都唔知點叫野食好。好彩V小姐識少少俄文，都叫到下燒雞、三文魚、薯條同啤酒醫肚。
8點見個天開始暗，我地都唔敢留太夜，盡快返酒店好了，但竟然又搵唔到路返去T_T 我地兜左好耐，又唔太記得當時去行出去，條街又咩人，真係唔知點算好。好彩總有D有心人幫下手指點，9點鍾終於返去酒店，個天都黑晒啦...
Irkutsk呢個小鎮我地只停留一日，因為我地真正既目的地係貝加爾湖附近既Listvyanka!!
沒有留言:
張貼留言