Domina 酒店實在太舒服，加上明知白天時間好多，所以我同V小姐訓到11點先起身，今日既行程本身係去冬宮，但因為知道夏宮比較遠，要坐1個鍾頭船，所以決定今日先去夏宮，聽日再去冬宮！！
梳洗完，我地先係酒店既tourist information counter到問定晒夏宮既交通，就出去搵琴日經過既一間幾靚cafe，享受一個早餐先！之後就搭船去夏宮，去夏宮個碼頭就係冬宮附近架咋，好易搵！
坐左一個鍾到左夏宮啦，夏宮個邊風涼水冷，對比係市中心既曝晒，V小姐話唔怪得之彼得大帝要係到整個避暑山莊，d風真係大到呢！
夏宮都係一個金碧輝煌既宮殿，入邊都係金光閃閃，但實際入邊既野我興趣不大，感覺同維也納既美泉宮同凡爾賽宮差唔多，由於入面係唔比影相，所以入去參觀完就出左後花園！其實我幾鍾意宮殿既後花園，因為好靚，感覺好悠閒！就係我地拎住自拍神棍影相其間，有一個外國人同我地搭訕，話對我地支神棍好有興趣，願意出高d價錢買！但係神棍就得1支，旅行仲有4日，我地又點會賣比佢丫，只能說聲抱歉！
係夏宮流連左四個小時左右，已經到六點啦，搭返船返市中心，想去試下WALK IN 買ticket睇swan lake，但比人屈RUB$5000 (約$1106)一張ticket，所以最終都係無去睇。噤岩又開始肚餓，我地決定搵個靚餐廳食返好既，之後就去左基督教喋血大教堂!!
"基督喋血大教堂建於1881年，是為紀念亞歷山大二世沙皇被革命激進分子殺害而建。它是聖彼德堡為數不多的傳統式東正教堂，也是聖彼德堡的一個主要旅遊景點。
作為俄羅斯四大教堂之一，基督喋血教堂除了外部建築精致奪目外，內部的裝修同樣富麗堂皇。教堂裡面擁有超過7,500平方米的馬賽克裝飾，全部均是用意大利產的不同顏色的大理石及俄羅斯產的寶石精加工而成的奢華之作。"
係大教堂附近好多遊人影相，又自拍左一輪就去左喀山教堂，其實我想去呢個教堂純粹係因為佢個外型好似古羅馬既堅彼得大教堂，加上又坐落係涅瓦大街，所以就去左喀山教堂喇!!
沒有留言:
張貼留言