俄羅斯聖彼得堡Day 3 (下)

放低行李時仲未到入住時間，我同V小姐拎住地圖，是但向一個方向行走，感受下朝早人煙稀少既聖彼得堡。

又行又食終於等到下晝兩點可以入住酒店了，因為琴晚坐夜車無得沖涼，我同V小姐都忍得好辛苦，朝早都無咩影相，真係費是比人見到....哈哈! 等我地沖完涼又休息左陣，就去左冬宮!

我地係夜晚6點左右到左冬宮，已經入唔到場啦!! 見其他可以入場既地方都應該關左門，所以我地係冬宮到影左好多相(哈哈!!又係影相) 因為係七月尾，聖彼得堡幾乎要到夜晚11點半左右先天黑，所以以六點幾呢個鍾數，其實太陽真係好晒，同時亦比到機會我地有足夠既光線去影相!! 至於入去冬宮就真係要聽朝先去到啦!!

冬宮係典型既巴洛克式建築，係仿照法國凡爾賽宮而建，所以無論外表定係內在，都係金碧輝煌!! 係冬宮一玩就玩左幾個鐘，夜晚九天，個天仍舊好光，條街無咩人，又無咩睇，我地唯有係條街搵D特別既建築去影相!!

夜晚10點半先去搵餐廳食野，呢個時候，個天真係開始少少暗啦，食完返去已經天夜踏入午夜12點了......

7、8月既聖彼得堡，每日有成20個鐘係白天，時間真係好見使，至少唔使擔心"夜晚"危險 ^^

最後附上一張酒店附近既照片......