行程: 家中燒烤日 & 房間昏睡一天
今日係燒烤同樂日，一早起身已經見到兩個小表弟心情非常興奮同期待，走黎走去，問東問西，小朋友最鍾意就係有一大班人一齊玩! 而因為天氣炎熱下，表哥決定開個按摩池比小朋友入去玩水，所以一早就好忙碌噤清洗緊個按摩池；表姐就準備緊今日燒烤既食品，我同男朋友就係負責陪住兩位小朋友玩先。兩個小表弟都好鍾意玩我男朋友手機入面既小遊戲，所以經常纏住我地(哈哈! 小朋友真直接)
過左一陣，二表姐同d小朋友到啦，天氣噤熱，表哥即刻放水比d小朋友入按摩池到玩! 係個按摩池隔離仲有個游泳池架，不過因為小朋友仲細就無開比佢地玩。佢地玩得好開心!
最小的小表妹因為怕水唔敢落水玩，結果只能係池邊到望下啦! 因為無得落水，所以係噤纏住我地陪佢玩!
不過快樂既日子都係好短暫既，因為我食左少少野之後開始肚痛，好唔舒服，返左上房休息，之後又痾，起初我仲以為係胃痛食左胃藥，但一路都無起色，結果全日都係間房到訓。訓一陣又去左廁所到痾，一直都諗唔到係關諗日食左獅奄事。夜晚表哥煮左粥比我食，男朋友先問我，其實你係唔係腸胃炎T_T 我先食返腸胃藥 (我未試過腸胃炎，真係唔知到原來腸胃炎會噤慘T_T) 男朋友仲問我聽日去唔去到沙灘酒店，我話點都要去啦，唔想一場黎到，浪費時間係到訓!
講完又再去訓覺了...今日一整個下午我都係係房間中度過T_T
沒有留言:
張貼留言