行程: Puntarenas 食海鮮
今日既行程就係去Puntarenas到食海鮮，同埋買海鮮，因為表哥今晚請左個大廚返黎煮海鮮食!! 一起身，表哥問我地想食咩，男朋友竟然話要去食炸雞，OMG!! 噤早起身食炸雞，去到炸雞鋪，我只係飲野，無食到，實在吃不下! 之後就出發坐車去Puntarenas啦!
由San Jose坐車過去都要成個半鍾，坐到去我就開始覺得肚餓啦!! 入到餐廳去就叫左啤酒飲，表哥好鍾意飲啤酒，不過因為要開車，所以佢揀左d酒精好少個d啤酒飲!! 係Puntarenas係好多外國人及遊客專登過黎食海鮮既，因為呢到d海鮮係好新鮮!
其實就唔算係食左好多野，因為放假勞動同運動都少左，又成日坐車無咩點郁，所以食得唔多野。d野食黎齊晒，表哥又開始講係呢到生活既中國人係點啦...哈哈! 上面中間個碟係獅奄，係香港未食過就試下啦，表哥話好好食架喎!點知食完就出事啦，事關笫二日開始我肚呵左好多日，又成日好肚痛，應該係腸胃炎......(好彩有帶藥去，頂到返香港!) 呢間野既海鮮真係麻麻地，今晚個餐先至正!!
食完野，表哥就話要去海邊市場買新鮮既海鮮今晚煮，而我同男朋友就係海邊既黑沙灘到行下啦，一個小時後係返泊車位集合!!
我笫一次見黑沙灘，笫一眼見到既感覺係:「嘩! 一 d 都唔靚既!」後尾上網check下先知，原來黑沙係火山噴發後，高溫岩漿遇海水後冷卻而形成細小既沙粒，所以基本上大西洋沿岸既沙灘都係黑沙灘黎既! 行左一陣，入左幾間售賣紀念品既小店，因為言語不通，最後都買唔到野!
一路行既中途，見到有路邊小販好似賣緊串燒之頖既野食，我地一於走去試下! 雖然都係言語不通，但比手劃腳下佢地終於明我地想食d咩 (好感動T_T)
返到去泊車位，表哥已經將一袋二袋既海鮮放入車尾箱，我地就上車準備返屋企啦，返到去已經將近6點，大廚亦已經到，我地開始手忙腳亂噤幫手洗下D海鮮...(其實我就無咩整既，因為我負責影相..好重要的任務 ^^")
呢餐真係好豐富，有魚、龍蝦、炒硯、獅奄、羊肉煲、煎牛扒、炒菜，不得不提既係，個條魚(我唔記得係咩魚)係我食過最好味既魚，肉質鮮甜嫩滑，我係一個愛魚之人，呢條魚係我食過最好味既魚!! 仲有個龍蝦，煎完再炒，真係比出面餐廳更加好食!! 係香港都食過不少出名食海解既小店，但都不及呢隻龍蝦好味道! 雖然我個胃容量唔大，但我都盡量有幾多食幾多!
一路食一路傾計，唔經唔覺就11點了，我同男朋友準備返去房間休息，因為飲左酒既關係，表哥係到笑我係咪醉左.....
沒有留言:
張貼留言