芬蘭赫爾辛基 Day 1 （回到北歐）

日期： 2015年7月19日
行程： 香港 - 芬蘭Helsinki
住宿： Holiday Inn Helsinki City Center
交通： 芬蘭航空

等左一年既時間，終於要回到北歐了，點解用「回到」呢個字眼係因為以前係瑞典住過，好鐘意北歐既生活，當年北歐四國就只差芬蘭無去，因為實在太凍了，我相信我同北極光都係無緣架喇！ 今次呢個旅程我計劃左一個星期但係就等左一年既時間，一黎好難係上年去完俄羅斯後噤快又放一次長假，二黎係因為想夏天七月去時天色更靚、日照時間夠長，時間更見使！

係18號個晚，我同V小姐提早到左機場，為左再問一次我地張機票可唔可以upgrade 做 business class! 可能有人睇到呢到以為我地兩個好似好有錢噤，其實唔係架！長途機我搭過幾次，因為坐10個鐘真係訓唔到，會好累！而我地今次既行程真係好趕，所以可以係機上舒服d既話，落機人都精神d 啦！加上有上年免費upgrade 既經歷，更加想坐business! 去到counter, finnair 既地勤都好快噤話比我地知加四千幾就可以upgrade, 原全比我地預計既係平左，我地係預加一萬左右，所以好快就答應左！

Check in完就入左候機室飲野傾計打發下時間，好快就可以上機啦，坐business 既待遇真係幾好架，一上機d 空姐就會即時比野你飲，你可以舒舒服服噤坐係到，等待起飛後既晚餐，晚餐係可以選擇既，我揀左食牛柳粒！空姐係起飛前會逐個問乘客想食邊款晚餐同聽朝既早餐，之後就會去安排，起飛無耐熱騰騰既晚餐就會出現係面前架喇！ 順帶一提，每位客人都會有一個Marimekko 既小袋仔(入面有牙膏牙刷、耳塞、眼罩、潤唇膏同面霜sample) 同拖鞋，都算照顧周到既！食完晚餐我同 V 小姐準備訓覺啦，將座椅調較到flat mode就可以平訓了！好感動呀！就係為左可以平訓我地先願意花錢upgrade的！

話噤快訓一個覺就差唔多到芬蘭Helsinki 啦！到達Helsinki 既時間係早上6:10am，出左機場之後就搭Finnair Bus 出City Center，半個鐘就出到City Center 啦，今次我地住既酒店係Holiday Inn Helsinki City Center， 落車地方係bus station， 隔離就係中央火車站，而Holiday Inn 就係係附近，一落車就見到架喇！

選擇呢間都係因為超強既location，是關聽朝好早就要搭火車去聖彼得堡，所以近d會方便好多！我地入酒店如所料般未能check in 住，噤就放低行李先啦！Holiday Inn 既service 真係不敢恭維，連放行李噤小既事竟然係自己處理，佢地只係會幫你按開門制，你係要自己行去存放行李房，自己擺低！住過噤多間酒店，係呢間Holiday Inn最差，即使上年係Irkutsk 住都係差！

放低行李之後，只係早上7點半左右，我地把握時間先去左三聖教堂！想像中既三聖教堂應該係好靚，但望到既一刻有d失望，唔知係咪因為白色唔夠出，點影都覺得麻麻地！一影影到9點，就去Kamppi 準備搭巴士去Porvoo 呢個小鎮！

Porvoo 係芬蘭笫二大古城，距離Helsinki東北方約50km既近郊處，有800年歷史，以磚紅色既小木屋而聞名。我係搜尋Helsinki 既資料時意外發現呢個小鎮非常漂亮，決定放棄部分Helsinki 既景點都要去呢個town! 結果無令我失望!

坐左一個鐘車終於到達Porvoo 呢個小鎮，當架車轉入天橋時會睇見d紅色小屋，就到架喇！因為開始肚餓，所以我地搵左網上介紹既Henna Maria呢間快餐試下！因為無Menu，我地到bar 台到睇，staff 介紹我地試食馴鹿料理，我地再加左瑞典肉丸同一人一個salmon soup就準備開餐了！

食完就行下呢個town 仔，感覺額外悠閒，但因天色較灰暗，並無想像中漂亮，行到橋邊見到岸邊既紅色小屋同色彩繽紛既屋仔，我地搵位影相都影左一兩個鐘，可惜有點背光，紅色小屋影得唔靚。靚完相我地再行下town仔 d 鋪頭，好有北歐淳樸既風格，產品多偏向簡單款！行左陣我地又搵左間岸邊既小店飲咖啡，享受下呢個悠閒既時光！

之後就準備坐車返Helsinki la! 返到Helsinki 我地先返酒店check in，係check in 期間知道今日係星期日，餐廳無開，連room service 都無！！實在令我太驚訝了，星期日別的商店唔做生意呢個我明白，但我無諗過連room service 都無！唔通星期日黎既遊客唔使食野？！上房放低行李後搵左trip advicer 介紹一間有開星期日既餐廳，我地就出發去烏佩西施大教堂，又係到消磨左一個小時，再行返去三聖教堂！而家呢刻既三聖教堂真係好靚！

之後就去搵餐廳啦，跟Google map搵，行左20分鐘終於到啦，但迎來既壞消息係佢地放緊summer holiday，要8月1日先開返！OMG!! 我地唯有死死氣地搵其他啦，星期日既Helsinki 好多餐廳好早就關門，只有酒吧會開得夜d，仲要酒吧唔一定有野食，真係想喊！最後終於比我地搵到間有得食pizza 既酒吧啦！個pizza 都算唔錯架！幾好味！因為買唔到聽日早餐，唯有打包半份pizza返去當早餐啦！返到香港睇報紙時先知原來芬蘭人係有暑假既，法例規定做滿一年既員工係夏季期間係可享有24天有薪假，唔怪得之佢地唔在乎做遊客生意！

之後就返酒店休息了！V小姐話對呢個City既感覺係負分，因為好唔tourist friendly，雖然我明白北歐人既生活模式係噤，但確實，週末唔好黎！